Galtarviti

Kertið er 21 cm að hæð og um 380 g 

Þetta er handgert kerti, framleitt á vinnustofunni okkar á Ísafirði.

Við steypum kertin okkar sjálf úr fremur hörðu vaxi, til þess að ná fram kvössum brúnum og smáatriðum líkt og gluggapóstum og útskorningum. Þau brenna því einnig mjög lengi og halda að mestu leiti sínu formi. Þar sem sami kveikur liggur niður kertið en vitarnir eru töluvert mjórri að ofan heldur en að neðan þá mælum við með að brenna hann í stutta stund í einu til að byrja með á meðan turninn bráðnar niður til þess að formið haldi sér niður eftir kertinu og hægt er að njóta þá fallegrar birtu sem skín meðfram gluggum vitans. 

Ávallt skal leggja kertið á hitaþolinn platta áður en kveikt er á því, stytta reglulega kveikinn til að brennslan verði sem jöfnust og aldrei skilja logandi kerti eftirlitslaust. 

Upplýsingar til yndisauka. 

Galtarviti stendur í Keflavík við Súgandafjörð vestur á fjörðum. Hann var hannaður af Eggerti Sveinsen verkfræðingi og byggður 1959. Hann er steinsteyptur og 13.7 m á hæð.

Búsetu vitavarðar var hætt árið 1994 og vitinn var rafvæddur með sólarrafhlöðum. 

Heimildir: Guðmundur Bernódusson, Guðmundur L. Hafsteinsson og Kristján Sveinsson, Vitar á Íslandi, 2002.